PrUB, JS-FS 109

© Jürgen Sarnowsky, Hamburg (2003-2009)


 [1385] Oktober 8. Thorn. 
{Regest}
Thorner Rat an Elbinger Rat: laden wegen der dem Hochmeister in Betreff der neuen Münze zu gebenden Antwort und wegen der Probleme mit den aufständischen Handwerkern in den Städten zu einer [Oktober 18] zu Marienburg stattfindenden Versammlung; bitten, die Einladung an Königsberg und Braunsberg weiterzuleiten; melden, dass sie mit Kulm wegen der Morgensprachen der Ämter verhandeln und die Aufzeichnung aller Beschwerden über die Handwerker vereinbart haben; bitten, dies ebenfalls zu tun und wiederum Königsberg und Braunsberg zu informieren.

{Überlieferung}
B = AP Torun, [olim Folio 30. Littera secreta etc.]

{Drucklegungen}
aus B: Hanserecesse, Die Recesse und andere Akten der Hansetag von 1256-1430, Band III, Leipzig 1875, S. 172-173.
Codex Diplomaticus Prussicus, Urkundensammlung zur älteren Geschichte Preussens aus dem königl. Geheimen Archiv zu Königsberg nebst Regesten, hrg. Johannes Voigt, Bd. 4, Königsberg 1857 (ND Osnabrück 1965), S. 186-187. Hier nach HR.

{Diplomatische Erörterung des Stücks}
Abschrift

Den ersamen wisen ratmannen czum Elbing unsern lieben frunden

Frundlichen grus czuvore, heren und lieben gu[nne]r. Uch mag wol gedenken, do wir letzt myt enander czu Marienburg waren, das rede was von unserm heren, dem homeister, als von eyner nuen muntze czu slan, alzo das wir dar uff nicht bedacht worin, sunder wenne wir czusamene quemen, so wolde wir unsir antwort dorczu sagen. Unde vormuten uns wol, nu die gebytegir gemeinlich czu deme capittel komen, das dy sache von der muncze wegen denne geendet werde.
Hir umme und dorch andir sache und gebrechin wylle uns allen antretinde, so habe wir vorramet eyns tages, als die neeste Mythewoche noch deme Sunthage, als sich das capittel begynnet czu halden czu Marienburg uf tercie cziit, dar czu ir uwir {S.173}vulmechtige ratbotin czu senden wir bitten.
Und den tag vort gerucht czu kundegin den heren czu Kongisberg und Brunsberge noch aldir gewonheit, das sie ire botin unvorczogen jo dar senden.
Ouch lieben vrunde wisse uwir erbarkeit, das die heren von Kolmen mit uns und wir mit yn vaste geredit haben umme manchirhande gebrechin, den wir alle in disem lande mussen lyden als von der morgensproche unde bruderschafte allir ammechte und hantwerckluthe, dor ynne sy vyl ufsatze, ungelucke und gebot uff uns setzin, do von werlichen gros ungemach uns allen entsten mochte und ir wol wisset das wir ufft und dicke myt enander das uff haben geredet und gesprochin alzo, das is yo bleib ungeendet. Nu hoffe wir sundirligen no die gebitiger alle by enandir komen wolle wir selbir, wir sullen unsirn willen kegen unsir herschafft wol behaldin, wenne wir sie sulchir sachen dy von der snoden morgensproche dar kommen eygentlich undirwizen.
Unde dor umme liben frunde bitte wir begerlichen uwir liebe, das ir uweren wisen rat dar uff wollet haben, ab ir keynerhande gebrechin fulet an uwern hantwerkeren, do sy uch adir dis land myte besveren, das ir den von hantwerke czu hantwerke nach uwerm rate wollet lassen by uch eygintlich bescribin und das in schriften wollet mit uch brengin czu deme thage vorgescribin.
Und das selbe den heren von Kongisberg und Brunsberg empiten wollet. Der glich wir und dy herren von Kolmen ouch thun wollen, sulchen gebrechin alze wir wol etzlicher mase redelich dirfunden haben bescriben wollen brengen. Das wir denne alle myt enandir eyne ordinanczie redelichin dor us geczien mogen, das sulch ir ufsatze von der genadin unsers herren und der herrschafft czustoret sulle werden. Hir umme nemet d[is] czu herczen wen uns allen und deme ganczin lande grosse macht l[i]t dor an, als wirs alle wol dirke[n]nen.
Gegeben an dem Sunthage nach Francisci1) undir unserm statsecret. Und das yo heymelichin blybe in uwerem rathe wen is eyne grosse sache ist.
Rathmanne czu Thorun, uwir dyner.
Inhaltliche Anmerkungen
1) [1385] Oktober 8.
Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs109.htm) und Datum der Einsichtnahme; (2) im Druck: PrUB, JS-FS 109 ([1385] Oktober 8. Thorn.)
Bearbeitungsstand: Text eingegeben (1.August 2003 Frauke Schmitz) – Datum überprüft (1.August 2003 Frauke Schmitz) – Text mit PrUB oder sonst Druck kollationiert (1.August 2003 Frauke Schmitz, 13. Januar 2008 Jürgen Sarnowsky) – Text mit Or. kollationiert () – äußere Merkmale beschrieben ()
Datum der Erstanlage: Freitag, den 1. August 2003 — Letzte Änderung: 23. Januar 2009 von Jürgen Sarnowsky

Zurück zur Hamburger Homepage   / zurück zur Regestenliste für 1385