PrUB, DH 457

© Dieter Heckmann, Werder / Berlin (2014)


[1449] April [26]. Wien
{Regest}
Der Wiener Hauskomtur Wilhelm Swinckrist an Hochmeister Konrad von Erlichshausen wegen des sich zu Wien aufhaltenden Johann David.

{Überlieferung}
A = GStA PK, XX. HA Hist. StA Königsberg, OBA, Nr. 9885a

{Drucklegungen}

{Diplomatische Erörterung des Stücks}
Ausf., 1 Bl. (22,2 cm x   21,5 cm), besch.; Wasserzeichen "Waage im Kreis mit Hakenstab als Aufhängung, ohne Beizeichen" ; Datierung mit Hilfe von GStA PK, XX. HA Hist. StA Königsberg, Urkunden, Schiebl. 91, Nr. 41 (zu 1448 Nov. 18); Spuren des roten aufgedrückten Verschlusssiegels; Rückverm. (von Hand des 16. Jhs.) Gehörett zu Dauids sachen; Altsign. Sch[ieblade] LXXXV Nr. 10 2) 


Mein gehorsam in ganczer behegelichkait. Groszmechtiger, gnediger herre, ich thu euwer groszmechtikait zcu wisszen, daz ich nicht erfaren kan von des [Johann] Dauids1) wegen, wye er sich schicket. Darum(m)b euwern gnad(e)n icht muewe auff stuende den daz er elenndklich hy zcu Wien2) um(m)get. Yedoch sint vil red, wie er noch sein sache welle suech(e)n an des hirczog(e)n hoeff zcu Borgundia3) mit and(er)n seinen beystehern. Des ich doch nicht vorstehe, daz er ichtz moge geschaff(e)n in kaynerley wegen, wenn(e) er den glaub(e)n verloren hat. Ouch, gnediger herre, als der comethewr zcu der Swecz4) unnd der doctor5) in uns(er)s gnedig(e)n herren des koenigis hoff gewes(e)n seyn als sey dann(e) euw(er)n gnad(e)n den auszgangk der sache wol erczelt haben. Also bit ich euwer gneade, mich ain antwurt lasz(e)n wissz(e)n, darinn(e) euwer groszmechtikait poten nicht vordacht werd(e)n, ye doch ist nicht frage darnach, wann(e) ich wol byn ains gemant wurd(e)n von den rete aym. Un(n)d euwer gnad sal mir auch gepiten, ob icht nuczpar sach mit privilegien zcu erlang(e)n were an unsern gnedigen herren, den Romisch(e)n kuengk6). Dar ynnen wolt ich mich in guter hoffenung muw(e)n, als ich dann(e) mit dem komethewr zcu Swecz geretta) hab un(n)d er mit mir. Da mit bevilch ich mich euw(er)n gnad(e)n. Gegeb(e)n zcu Wien am sambsztag vor Philippi et Iacobi.
                                                                                                                                                                                                                                                                                        Bruder Wilhalm Swinckrist7)
                                                                                                                                                                                                                                                                                        hawskomenthewr zcu Wien

Dem hochwirdig(e)n groszmechtig(e)n herr(e)n, er(re)n
Conrad von Erlichshaws(e)n, hochmaister in
Prewssz(e)n Dewtsches ordens8) seinem gnedig(e)n her(r)en
und obirsten


Fußnoten:

a)           Über der Zeile.
b)          Buchstabenanfang wegen Loch in Vorl. zerstört.


Anmerkungen:

1)        Johann David aus Liebstadt (vor 1446 - nach 1453).
2)        Wien.
3)        Philipp der Gute, Herzog von Burgund (1419 - 1467).
4)        Hans von Reibnitz, Komtur von Schwetz (1441 - 1452).
5)        Dr. Laurentius Blumenau (*vor 1420 - +1484).
6)        Friedrich III., Römischer König (1440 - 1452).
7)        Wilhelm Swinckrist, Hauskomtur von Wien (1447 - 1453).
8)        Konrad von Erlichshausen, Hochmeister (1441 - 1449).

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/dh/dh457.htm) und Datum der Einsichtnahme; (2) im Druck: PrUB, DH 457 ([1449] April [26]. Wien)
Bearbeitungsstand: Text eingegeben (D. Heckmann, 23.1.2014) Datum überprüft (D. Heckmann, 23.1.2014) - Text mit PrUB oder sonst Druck kollationiert () - Text mit Or. kollationiert (D. Heckmann, 23.1.2014) - äußere Merkmale beschrieben (D. Heckmann, 23.1.2014)
Datum der Erstanlage: Donnerstag, 23. Januar 2014– Letzte Änderung: 23. Januar 2014 von Dieter Heckmann

Zurück zur Hamburger Homepage / zurück zur Regestenliste für 1449