PrUB, DH 442

{Überlieferung}
A = GStA PK, XX. HA Hist. StA Königsberg, OBA, Nr. 7665.

{Drucklegungen}
---

{Diplomatische Erörterung des Stücks}
Ausf.; Pap. mit Wasserzeichen –Krone– mit von einer sechsblättrigen Blume gekrönten einkonturigen Stange; Spuren des briefschließenden Ausstellersiegels; Außenadresse auf Rückseite Dem gar erwirdigen homeister mit aller erwirdikeith tag und nacht an(n) allis sum(en) grosze macht hij an(n) leith Postverm. auf Rückseite Gegang(en) von der Ijlaw am sonnob(en)t vor letare vor mittage hora Xma; gek(omen) und gan(gen) von der Balge am sontage letare vor Mittage hora IX; gek(omen) und g(angen) vom Elbing(e)am selbige(n) tage hora IX noch mittag(e).

Meynen garwilligen undertanien gehorsam mit sunderlichen demutigen bevelung(en) nu und czu allen geczeiten czuvor. Erwirdiger gnediger lieber her meister! Euwir erwirdige gnade geruche czu wissen, das den(ne)^a) brieff(e), den euwir gnade geschreben hat an den hertczog(en) in der Masaw¹⁾, ich sinen gnade santhe mit meijner diener eijn und der selbig(e) hertczog mit dem dijener, nach euwer(e)n gnaden, nach meir eyn antwerth dovon hat geschreben, sunder hatte gesprochen, her welde sich mit den synen berathen, und den(ne) euwern gnaden do von schrieben eyn antwerth. Auch hatte der vorgeschreben hertczog eyn brieff des pflegers czur Lick(e)²⁾ meyn dijener lasen lesen, da inne der pfleger dem hertczogen geschreben hatte, also meir saith der selbige diener, das her saijthe sijnen leuwthen, die das wagenschos gehauwen hatten, das sie qwemen czu dem selbigen pfleger und geben eim den waltczinsz von dem selbigh holtcze, so muchten sie is furoen, wo sie welden und ich sulde vorlisen die fuer, die ich hette gethan, und sulden meir nicht(es) geben nach den waltczins widder vor die fuer etc. Erwirdiger gnediger lieber her meister, ap nu euwern gnaden der uffte geschreben hertczog hat geschrieben, das euwir gnade meir das voet geruche czu schrieben, hette her euwer(e)n gnaden den(ne)a) nach nicht geschreben, so bitte euwer gnade ich nach demutlichen, das euwir gnade^b) eim anderweith dar umb geruche czu schrieben, wenth meir grosze macht dar an(n) leith. Ouch das euwir gnade geruche czu schrieben dem pfleger czur Licke, das her von sulchem schrieben lase und sich des wagenschos nicht underwijnde, wenth ich is gantz wil geen czu dem kompthur czu Brandenburg³⁾  und her Helfrich, euwir gnaden compan⁴⁾. Werden die czwene die wiltnisze dem pfleger czu sprechen, ich wil sie eim gerne gonne, werden sie die ouch mir czusprechen, das her mich ouch ungehindert lise. Geg(eben) czur Ijlaw⁵⁾ am sonnob(en)t vor letare in 40ten jare.

                                                                                                                                                                                                                                                                                                                                                               Kompthur
                                                                                                                                                                                                                                                                                                                                                               czur Balg(e)⁶⁾

Dem gar erwirdigen homeister mit aller erwirdikeith tag und nacht an(n) allis sum(en) grosze macht hij an(n) leith