PrUB, DH 437

1426 Febr. 24. [Wehlau]

{Regest}
Die Ratmannen der Stadt Wehlau bekennen, dass sie mit Zustimmung des Pflegers [von Tapiau] Hermann von Kochberg dem Böttchergewerk seine Ordnung gegeben haben.

{Überlieferung}
C = GStA PK, XX. HA Hist. StA Königsberg, OBA, Nr. 2646a.

{Drucklegungen}
---

{Diplomatische Erörterung des Stücks}
Buchstabengetreue Abschr. (von Hand des 19. Jhs.) auf 1 Bogen Konzeptpapier; Verm. über der Anfangszeile 1426; Nro. 5; N^o 9.

In gotis namen amen. Alle dink, dy in czeyt geschen, dy vor gen mit der czeyt. Dor umme is ist notze, das man dy dink, dy in langem gedechtnisse sollen bliben, mit schrift in gedechtnisse brenge unde halde. Hir umme wir, rotlute der stadt ^a)Welaw^a)1), mit willen unde mit rate unsers herrn, des phlegers her Herman Kochberger²⁾, unde mit eyntracht der eldesten unsir burger haben gegeben den botchern^b) dese gesetcze czu halden, dy hir noch gescriben sten. Czum^c) ersten das sie haben czu kysen czwene vorstendige mannes. Dy sollen rathen vor dye buchse unde der kumpanie zelegerethe czu bewaren. Unde den czwen aldirlwthen sullen dye andern alle gehorsam seyn bye czwen kalten wachses. Item dye czwene gekorne aldirluthe sollen komen vor den rath nach synte Petirs tage³⁾, wen der radt gesatzt ist, sweren eynen eyd, das her seyn werk recht unde redlich vorsteen wil nach synem besten sinne als em^d) got so helfe unde dye heylgen. Item wer er werk winnen wil, der sal czuvorn gewinnen seyn burgerrecht, ap her mit seynen briefen volfaren is, das her sich erlich und fromlich in der stadt gehalten hot, do her letczt inne gewont unde geerbeit hott. Dor noch sal her gebin der kompanie eyne molczeyth unde eyne halbe tonne birs unde 4 mark in die buchse.Item ouch sal her machen 3 tonnen uff der aldirlwte delen, das man mag irkennen, ap her vor eynen werkman volfaren {Bl. 1v} kan^e). Kan her nicht volfaren, her sal des werkes entperen so lange, das her volfaren kan mit syner erbeyth. Item welch knecht er hantw[er]g lernen, der sal gebin der companie 1 tonne birs unde sal synen meyster dynen lere jor 3 ior. Item uff was czeyth er hantwerk eyn knecht komet, den mag wol eyn meyster myten czu dynen uff synte Michels tag⁴⁾, aber das er thun mit der aldirlwte wyssen. Item keyn meyster sal gebin orlop synen knechte czu bycziten ane schott unde redliche sachen. Item keyn meyster sal dem andern synen knecht entfremden mit ungewonlicher myte by czwen kalten wachses. Item welch knecht synem meyster fremllichen^f) entgeet sunder des meysters schott, deme sal man noch schryben, das her sich entrichte mit synem meyster unde nicht erbeyten laze. Unde das sal geschen mit des rathis bryefe, ap is dy aldirlwthe so czwgen vor den rath. Unde der knecht sal is vorbussen der companie mit 24 schillingen unde deme rathe wye hogh sy wellen. Item ouch sullen dy geswornen aldirlwthe alle 14 tage umme geen by der stadt busze unde beseen. Welchs tonnen czu gros seyn, dye sal man em uff syner delen czu slaen in kegenwertikeyth czweer rathmann. Findet man dy tonnen czu cleyne, dye sal man bornen glich anderm falschem gute. Unde doch sal der meyster der kompagnie vorbuszen eynen schilling von yclicher tonnen, ap her sye gemacht hot. Abir der knecht vorbuszet 6 d von yclicher tonnen. Item ouch sal keyn meyster noch {Bl. 2r} knecht^g) machen an tonnen ungewonliche spinde, als manch spint man an der tonnen fint^h), also manche 6 d vorbuszet der meyster adir knecht der companie. Item keyn meyster adir tonnenmecher adir bantsnyder sal lenger erbeythen czwisschen pfingesten unde unsir lyben frauwenⁱ⁾ tag⁵⁾ wurczewye des werkeltagis, wen das dy kue komen, und des heylgen obindes⁶⁾, bis dye swyne komen, bis by 6 d busze , also manchen obint also manche 6 d. Item alle gebot unde satcze vons rathes wegen uff tonnen unde vas sullen sye halden by 36 schillingen von yclicher tonne. Item welch tonnenmecher her sye, reych adir arm, eynen bantsnyder ersten czu spricht, deme sal der bantsnyder erbeyten by 2 kalten wachses; unde denne sal her noch snyden eynen tag adir czwene noch deme, als her is bedarff. Item ouch sal keyn man hy tonnenwerg feil haben, her habe erem werke vor gleych gethon, als obene steet geschreben. Item wen sye er gildebir uff pfingesten czu sampne trinken, so sullen sye komen gutlich unde liplich czu hwse unde sich frolich machen mit czemlichen worten. Wer dorunder der andern vorczornet mit worten unde frevele, der sal is vorbuszen der companie mit 2 kalten wachses. Dirczornet ein bruder den alderman, her verbuszet 3 kalten wachses, desgleychen der alderman kegen deme bruder 3 kalten wachses. Item alle ere gildebruder sullen gleych beczalen er gildebir, dy bynnen landes seyn, sy trinken mete adir nicht. Item uff wynachten⁷⁾ mogin {Bl. 2r}^j)sy wol^j) trinken eyne tonne byers, das sy sammeln er wachszgelt. Item wen dye alderlwthe vorboten ere companie von des rathes wegen, wer nicht en kumpt, der verbust eynen schilling der companie. Vorboten sye aber dye companie von eres selbis wegen, wer nicht en kumpt, wen der jungste in gekomen ist unde das licht eynes gledes langh vorbranth ist, der vorbuszet 6 d. Item wen eyn man adir frauwe vorstirbet ws der bruderschaft, so sullen dy andern, beyde man unde frauwen, seyn by der lyche czu der vigilien unde des morgens czu der mesze unde helfen fort, dye lyche bestaten czu der erden by eines schillinges busze. Stirbet abir ein knecht adir eynes mannes kinth, dy frauwen sullen komen czu der vigilien unde dy mannes czu der meszen des morgens unde helfen dye lyche bestaten czu der erde by 6 d busze. Item were ymandes von meystern adir knechten, der uff desze oben geschreben artikel unczemlich sprechen welde adir spreche, den^k) sullen dy aldirlwthe brengen vor den rath by der busze der stadt willekore. Item welcher syne köste der companie thun sal, der sal sy thun in seyme hwsze adir wo is ym bequeme ist. Item welch^l) junger der companie seyn lere bier geben sal, das sal man trinken in synes meysters hwsze. Item ere morgensproche sullen sy haben czu des aldermans hwsze. Item wen dy companie czu sampne goet, so sal eyn yclicher seyne were do heyme loszen by 1 schilling busze. Czu geczuchnisse dyssin vorschrebenen dinge so habe wir unsir ingesegil an desyn briff gehangen. Actum sub anno domini MCCCCXXVI in die Mathie.

a)-a)    Rot unterstr.
b)        bolchern in Vorl.
c)        Aus Tzum korr.
d)       Über unterstr. ein.
e)       Reklamant.
f)        freuillichen in Vorl.
g)       Reklamant.
h)       Aus findt korr.
i)       Übergeschr. -a- in Vorl.
j)-j)     Reklamant.
k)       Aus dem korr.
l)        Aus welcher korr.

1)       Wehlau, an der Mündung der Alle in den Pregel.
2)       Hermann von Kochberg, Pfleger von Tapiau (1425 Mai 17 - 1427 Jan. 10).
3)       Juni 29.
4)       Sept. 29.
5)       Aug. 15.
6)       Dez. 24.
7)       Dez. 25.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/dh/dh437.htm) und Datum der Einsichtnahme; (2) im Druck: PrUB, DH 437 (1426 Febr. 24. [Wehlau])
Bearbeitungsstand: Text eingegeben (D. Heckmann, 16.5.2013) Datum überprüft (D. Heckmann, 16.5.2013) - Text mit PrUB oder sonst Druck kollationiert () - Text mit Or. kollationiert (D. Heckmann, 16.5.2013) - äußere Merkmale beschrieben (D. Heckmann, 16.5.2013)

Datum der Erstanlage: Donnerstag, 16. Mai 2013– Letzte Änderung: 16. Mai 2013 von Dieter Heckmann

Zurück zur Hamburger Homepage / zurück zur Regestenliste für 1426