PrUB, DH 408

[1389 September 15. Rehden].

{Regest}
Hochmeister Konrad Zöllner von Rothenstein an Henneke Lembeke: Wegen der Klage Lembekes über Heyne Dop infolge der Kaperung eines Schiffes Verweis auf eine Entscheidung während die Zusammenkunft der Kaufleute zu Lübeck an Michaeli und Geleitversprechen für einen Austrag des Streites in Preußen an Lichtmess im widrigen Falle.

{Überlieferung}
C = Geheimes Staatsarchiv PK, XX. HA Hist. StA Königsberg, OF 2a, Bl. 13r.

{Drucklegungen}
---

{Regest}
RBDO I, OF 2a, 40; Hanserezesse 3, Nr. 440.

{Diplomatische Erörterung des Stücks}
Bucheintrag mit der Überschrift Hennek(en) Lembek(en).

Uns(ir)n f[untlichen] g[rus czuvor] Lembek(en)¹⁾, als ir uns gesch(rieben) habt, clagende obir Heinen Dopp²⁾, das der uch uwir schiff und gut genomen hat und weggefuret in dem rame, das her meinte, ir weret ein zeerowber. Wir thun uch zcu wissen, das wir der sachen ver nicht gewust han, sund(er) uns(ir) schaff(er) von des gemeinen kowpmans wegin, den dy sache anruret, hat uns^a) der sache^b) undirrichet und uns vorgelegit, wi is dorumb sy und^c) boben alle ding. So bescheide wir uch vor den gemeinen kouffman, nu uff sinthe Michels tag neskom(ende)³⁾, ken Lubek⁴⁾, dar her zcusamenkomen wirt. Und so sullen ouch uns(ire) sendeboten von Prus(in)⁵⁾ uff dyselbe zci^et do syn. Den habe wir dy sache bepfolen zcu verantw(er)ten. Und legit do uw(ir) schelung(e) vor. Was der gemeine kowffman noch uwir clag(en) und noch uns(ir) sendbotin antw(er)t(en) uch und den uns(ir)n do ver em recht vinden^d), doranne laset uch genugen und verin do recht gebit und nemet. Wurd is uch abir zcu swer und dy zci^et zcu kurcz, das ir vor den gemeinen kouffman uff dy benumpte zci^et nicht moght komen, so bescheide wir uch unsir frowen tag lichtmesse⁶⁾ in uns(ir) land ken Pruss(in) zcu komen. Und gebin uch mit desem kenw(er)tig(em) brive uns(ir)n sich(er)n geleid ver all denjenen, dy umb uns(ir)n willen thun. Und lasen wellin frii us und yn abe und zcu zcien und uwir gut do^e) mit rechte vorderent. Dozcu welle wir (e)uch gut(is) rechtis behulffin sin ken allen den, dy dorane schuldig dirvunden w(er)din, ab si in uns(ir)m lande sint besessin, doch also bescheidlich, das ir recht gebit und nemet noch gewonheit uns(ir) lande. Geg(eben) ut supra.

Textkritische Anmerkung:

a)    Henneke Lembeke, dänischer Untertan (1389).
b)    Über der Zeile.
c)    Über der Zeile.
d)    Aus das ich korr.
e)    Über der Zeile.

Inhaltliche Anmerkung:

1)    Henneke Lembeke, dänischer Untertan (1378 - 1389).
2)    Heyne d. Ä. Dop, Elbinger Schiffer (vor 1388 - – zw. 1400 und 1409).
3)    1389 Oktober 6.
4)    Lübeck.
5)    Preußen.
6)    1390 Februar 2.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/dh/dh408.htm) und Datum der Einsichtnahme; (2) im Druck: PrUB, DH 408 ([1389 September 15. Rehden].)
Bearbeitungsstand: Text eingegeben (D. Heckmann, 26.2.2010) Datum überprüft (D. Heckmann, 26.2.2010) - Text mit PrUB oder sonst Druck kollationiert (D. Heckmann, 26.2.2010) - Text mit Or. kollationiert (D. Heckmann, 26.2.2010) - äußere Merkmale beschrieben ()

Datum der Erstanlage: Freitag, 26.Februar 2010— Letzte Änderung: 25.Februar 2016 von Dieter Heckmann

Zurück zur Hamburger Homepage / zurück zur Regestenliste für 1389.