PrUB, DH 303

[1523] Juni 30. Königsberg.

{Regest}
Hochmeister [Albrecht von Brandenburg-Ansbach] an [Johann Blankenfeld,] Bischof von Reval: Bitte um Lieferung des zugesagten Getreides und Ankündigung der Mission [Wilhelms von ] Isenburg.

{Überlieferung}
C = Geheimes Staatsarchiv PK, XX. HA Hist. StA Königsberg, OF 47, Teil B Bl. 67.

{Drucklegungen}
---

{Diplomatische Erörterung des Stücks}
Kopialbucheintrag.

Dinstags nach Petri unnd Pauli ist ann denn bischoff^(a) vonn Reffell⁽¹⁾ nachvolgendt meynung geschribenn etc.: "Es hat unns kurtzlich itzunt unnser g[nediger] h[err], der hohemeister under andernn geschriebenn^(b), wo wir die 100 last koerns, so e[uer] l[ieb] vorschiner zeyt seinenn f[urstlichen] g[naden] aus freiem gutenn wyllen zugesagt, nocht nicht bekomenn hett(en), das wir solch getraydt auff erst zw unns zu bring(en) woltenn bevleissig(en) unnd dergestalt bey e[uer] l[ieb] antregung thonn, domit dasselbig getraidt auffs erst der augenscheinlich(en) notturft nach dits arms lanndt domit zu entsetzenn. Dweyll dergleich(e)n frucht etwas sich komerlich inn dießenn landenn - got bessert - erzaig(en), mocht(en) alhier geschifft unnd gebracht werdenn. Nachte(m) wir dann wissenn, das solichs die grosse notturfft erfordert unnd wir itzunt ein schiff solich getraydt einzuladenn in willens gewest, zw e[uer] l[ieb] abzufertig(en), ßo wissenn wir doch, uns zu erinneren, das e[uer] l[ieb] ehemols betlich angesucht, wo e[uer] l[ieb] dasselbig koern verkauffenn unnd zw gelt machenn thet, ein solich gelt Klawes Lang(en)⁽²⁾ nach Lübich⁽³⁾ zu ubermachen. Dweyll wir dann nicht bitsher gruntlich(e)n beschaidt erlangt, ab e[uer] l[ieb] solich getraydt verkaufft hatt ader nit, thonn wir derhalbenn e[uer] l[ieb] freuntlichs vleys bittenn, dieselb wollt(en) auffs erst unnd on alles vorzyhenn wissent machen, ob e[uer] l[ieb] solich getraidt nach vorhand(en) habenn, domit wir denn schypper unnd schiff, ßo wir algerait gefracht, derhalbenn wesenn zu gebrauchen, dann e[uer] l[ieb] uns und unnserm orden dießer zeit mit gedacht(em) koern und sonderlich dem armuett dits landts dermassenn zw hilff komen werd(en), dodurch e[uer] l[ieb] die belonung vonn got empffind(en) wurdt; ßo sein wir und unser ord(en) alle semptlich, solichs umb e[uer] l[ieb] widerumb zu vordienen, mit allem wyllen gnaigt. Bitt(en) derweg(en) e[uer] l[ieb] eylendt anthwort, dann wir dem schipper in drey ader vier wochenn nach dat(um) zw- ader abzwsag(en)^(c) anthwort geb(en) mussen, ab auch e[uer] l[ieb] sorg unnd far trag(en), ßo wir gleich solch koernn zw unns bring(en) wolt(en) lassenn, das unns dasselbig durch {Teil B, Bl. 67v} die itzigenn kriegslaufft inn der see abhendig werd(en) mocht. Dargegenn habenn wir solichen trost bei dem schypper, auch sunst, das es dieser bekomernuss nicht nott ader einigerley geferklicheit derwegenn auff sich habenn thut, wie dann e[uer] l[ieb] zu derselbig(en) zeyt vonn denn geschickt(en), ßo solich koern annemen gruntlichenn bericht emphaen werdenn. Wir werenn auch wyllenns gewest, e[uer] l[ieb] mit neuenn zeyttung(en) zu vorsehenn, dweyll aber der her von Eyßenberg⁽⁴⁾ kurtzlich inn Eyfflandt⁽⁵⁾ sein wirt e[uer] l[ieb] dieselbig(en) vonn ime ßonder zweyffel allerley bekomenn unnd ßonderlich, warauff sich unnsers orden sach schick(en) unnd anlassen thut. Got fueg alle dingk zum best(en)". Dat(um) ut supra.

Textkritische Anmerkungen

(a)    Reffel, d. vor der Zeile.

(b)    korn in Leufland vor der Zeile.

(c)    Einzufügendes zw vor der Zeile.

Inhaltliche Anmerkungen

(1)    Johann Blankenfeld, Bischof von Reval (1514-1524) und von Dorpat (1518-1524) .

(2)    Klaus Lange, zu Lübeck.

(3)    Lübeck.

(4)    Wilhelm von Isenburg, Großkomtur (1495-1499) und Oberster Marschall (1499-1514 und 1523).

(5)    Livland.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/dh/dh303.htm) und Datum der Einsichtnahme; (2) im Druck: PrUB, DH 303 ([1523] Juni 30. Königsberg)
Bearbeitungsstand: Text eingegeben (D. Heckmann, 21.12.2005) – Datum überprüft () – Text mit PrUB oder sonst Druck kollationiert () – Text mit Or. kollationiert () – äußere Merkmale beschrieben ()

Datum der Erstanlage: Mittwoch, 21. Dezember 2005 — Letzte Änderung: 21. Dezember 2005 von Dieter Heckmann

Zurück zur Hamburger Homepage / zurück zur Regestenliste für 1523