PrUB, DH 148

{Überlieferung}
C = Geheimes Staatsarchiv PK, XX. HA Hist. StA Königsberg, OF 35, Bl.332r-v.

{Drucklegungen}
--. 

{Diplomatische Erörterung des Stücks}
Kopialbucheintrag.

{Datierung} Item am tage Katherine ist dem hern meister zw Leifflant volgend meynung gschriebenn: "Es ist {Datierung} gestern vorschijnen tages⁽¹⁾  der erwelte bischoffe des stiffts Rafall⁽²⁾  alhier spatte ankommenn, welichs uns dem erst {Datierung} heute dato frw zw erkennen gegeb(en). Sobald wir dasselbig vornomen, haben wir inen nach gebur entpfahen und auf morgen zwr maltzeit laden lassen. Das er uns abgschlagenn auß ursachenn, das er eijle halbenn dißer reiße solichs zw thun vorhindert und des zwkunpftig(en) tages nicht erwarthenn mochte. Dieweyll er dan von euch keyne schrifft aber [!] kuntschafft an uns gelanget ader gebracht unnd wir auch nicht wissen tragen, ab soliche seyne eijlende [Bl. 332v] vorgenommene reise euch und ewrn gebietgernn zw willen und in wissenn aber entkegenn ist, habenn wir keyne weither handlung mit ime magen vornemenn. Derhalb(en) unser gutlich beger, wolt uns aufs furderlichst vorstendigenn, ab angetzeigt(er) erwelter solichs seyne reiße unserm orden zw fromen ader nochteyll vorgenomen aber wie sichs allenthalben des stiffts Refall erhelt. Dan wo dieselbig euch und ewrn gebietigern entkegenn wer, woltenn wir uns gemeynem orden zw Preussenn⁽³⁾  und Leifflant⁽⁴⁾  zwgutte keg(en) bab[stliche]r hay[ligkei]t und dem stull zw Roma⁽⁵⁾  dermassen bearbeiten, uff das seyn vornemen zwsto^ert unnd vorhindert und in dißer sachen zw erhaltung unsers ordens oberkeit und gerechtigkeit unser moglicher fles gspurt solte werdenn. Welichs wir euch im best(en) nicht hab(en) wollen berg(en)".{Datierung} Datum ut s[upra].

(1)    1513 November 24.

(2)    Reval.

(3)    Preußen.

(4)    Livland.

(5)    Rom.