PrUB1461.01.08

{Überlieferung}
B = Archiv der Hansestadt Lübeck, Danzig.

{Drucklegungen}
aus B Walther Stein , Handelsbriefe aus Riga und Königsberg von 1458 und 1461, HGBll, 1898, S. 59-125, hier S.112.

Regest

{Diplomatische Erörterung des Stücks}
Brief, Abschrift, Papier.

Dem ersamen Hermann Brandis to Lubeke sal disse breff.

Mynen undirdanigen steden denst nu und to allen tiden bereyt. Wetet, leve vadere, dat wy, Got sy gelavet, wol overkomen syn mit groter not. Item, leve vader, wetet dat ik hier eynen gesellen dan hebbe 300 m., dar sal Hertich Stange vor wedir geven 200 r.gld., de hebbe ik Elre overgeschreven ein halff und de andere helffte hort my. Dit gelt sal he wedirgeven up sinte Johans dach 14 dage vor edder 14 dage na. Wert sake, dat dat gelt up de tyd nicht wedir en qweme und dar jenich schade up qweme, den sol he uprichten.
Item, leve vader, dit segget Elre und segget em, dat he von Hertighe synen breff neme, dar hebbe ik alle bescheid in geschreven; den breef heft Hertich by synen breven.
Item dat solt gilt hir 6,5 m. und ok 7 m. und dar entwuschen, de tonnen heringk hilt hir 4 m.
Item, leve vader, God entferme id, Hinrik Wulff is gebleven in Osselsside nicht verne van der Arndesburch, men dat volk is geborgen und ok dat meiste pard von den guderen; und Flotener is ok in Osselsiden gekomen und hefft dat gut upgeschepet und syn schip geborgen.
Nicht mer up disse typ, men syd Gade bevalen und segget der moder und allen frunden gute nacht. Gescreven to Konigisberge des donnerdages vor sunte Anthonius dage anno 61.

Brun von Achen.