PrUB1437.12.10
© Jürgen Sarnowsky, Hamburg (1999-2021)
{Regest}
{Überlieferung}
B =
{Drucklegungen}
{Regest}
{Diplomatische Erörterung des Stücks}
Allirerwirdigister vater und grosmechtiger gnedig[er] besunder lieber herre.
Ersamer lieber her landkumpthur als ir uns habt geschreben, wie das ir faste vyl groszer czerung und koste in euwer sache habt thun mussen, so das ir uns uns[er] vorsessene czins[er], dy ir uns jerlich pflichtig seyt gewesen, nicht usrichten nach geben vormogit, bittende, das wir euch semliche hinderstellige czins[er] czu geben und dirlassen geruchten, das ir uns vordann[en] alle jar uns[er] czins[er] gerne geben und usrichten wellet etc. Also haben wir nue[n] euwer notdurft angesehn und dirlassen euch die berurten vorsessenen czins[er] durch euwer fleyszigen bete wille[n], dach also das dy czins[er] dy ir [daz]a) vorgangen jar schuldig seyt und vordann[en] alle jar, nach dem ir uns denn[e] pflichtig seyt, gewislich usrichtet. Und bitten euch ouch mit ernsten begerungen, das ir semliche czins[er] so wol von deszem jare als vordann[en] von jare czu jare unsers ordens obirsten procuratur czu Rome usrichtet und gebet unvorzogen und is jo also fuget, das her uns dorumb[e] nicht schreyben[n] bedorffe. Dorann[e] ir uns sunderliche beheglichk[eit] dirczeget.
Geg[e]ben czu Marienburg am dinstage nach Conceptionis Marie im xxxviiten jar[e].
Bearbeitungsstand: Text eingegeben (Eileen Holler, 25.03.2021; Jürgen Sarnowsky, 07.05.2021) – Datum überprüft (Jürgen Sarnowsky, 07.05.2021) – Text mit PrUB oder sonst Druck kollationiert () – Text mit Or. kollationiert (Jürgen Sarnowsky, 07.05.2021) – äußere Merkmale beschrieben ()
Datum der Erstanlage: Samstag, den 20. März 2021 — Letzte Änderung: 20. März 2021 von Jürgen Sarnowsky
Zurück zur Hamburger Homepage / zurück zur Regestenliste für 1437.