PrUB1403.01.25

Vicke Borken und Hennink Borken.

Edeler lieber frunt, uns ist vorkomen, wie das ir den luten unser stat Drowenburg etliche pferde habt genomen by des alden voythes von Schibilbeyn cziten.¹⁾ und sie von iren greniczen dringen wellet, die sie von alders gehat haben, dor obir sie gute briffe und bewisunge haben. Wir bitten euch, lieber frunt, ernstlich begernde, das ir den unsern ire pferre wedir anwert und gebt, die ir in habt genomen, und lat sie ungedrungen an iren greniczen, dor obir sie briffe und bewisunge haben; wen das geschiet, habt ir denne ichtis wedir sie tzu sachen, wir wellen euch gutis rechtis obir sie pflegen und begeren, das ir euch ouch an dem rechte genugen lasset und sie dor obir yn keyner wyse beschediget. Wer is, das irs nicht wurt thun, als wir euch nicht czu getruwen, so mogt ir wissen, das wir forder dorumme clagen muszen und dor uff^a) gedenken, wie wir die unsern vor euch by rechte mogen behalden und bitten by desem bewiser, eyne antwert deses brives unserm voithe ²⁾ der Nuwen Marke czu schriben.

Datum ut supra.