PrUB1389.08.09

Duci Johanni Masovie.

Irluchter fürste, gned[iger] lieber here. Ewir grosm[echtikeit] thu wir czu wissen, das wir euwern briff, uns nu^ewelichst gesant, lieblich han entpfangen und wol vernomen, in deme euwer durchlucktikeit uns schriebt, clagende o^ebir unsern pfleger czur Wesen, wie das her und die syne, euch und den euwern grose schaden, gewalt und unrecht thut.

Dor umb thu wir euwer grosm[echtikeit] czu wissen, das wir do von nicht wissen, noch unser wille noch unser geheise nicht ist, das die unsern euch ader die euwern keyn unrecht, schaden ader gewalt sullen thun. Des habe wir dem kompthur czu Osterrode gesant unsern briff, nach euwers brieves usrichtunge, do mit wir im ouch eyne usschrift euwers brieves gesant haben, das her deme pfleger czur Wesen ernstlich underrichten sal und im sagen von unser wegen, das her noch die syne, euch, noch den euwern keynen schaden, gewalt und unrecht sal thun, und ab her ader die syne euch ader den euwern o^ebir das czu unrechte icht genomen hette, des wir doch nicht hoffen, das sal man in volko^emlich weder geben.

Ouch als euwer durchluchtikeit wol wissentlich ist, do wir by enander woren uff deme tage und die unsern von unser wegen czu euch santen, do wart es von beiden syten also entrichte, das man czwyr im jare tage sulden halden, uff das ymand icht {S. 97} von den euwern ader von den unsern czu schicken ader czu clagen hette, das man das uff den tagen richten und entscheiden sulde.

Datum Marienburg proxima feria secunda ante Laurencii martyris.¹⁾.